Комисијата за прием на деца при ЈОУДГ „Ангел Шајче“ – Куманово донесе Одлука дека приемот на нови деца ќе се одложи за месец јуни.

Моментален проектиран капацитет на установата е 1550 деца а до 28.03.2025 кога е одржана Комисија за прием на деца во установата се згрижени 1787 деца со што проектираниот капацитет е надминат за 237 деца.

Врз основа на пријавите за прием на деца поднесени од родителите на децата заклучно со 28.03.2025 година, а согласно слободните места во објектите на ЈОУДГ „Ангел Шајче“ – Куманово, Комисијата за прием на деца донесе Одлука за ставање на 408 деца  кои не се примени, на листата на чекање во ЈОУДГ „Ангел Шајче“ – Куманово.

Децата кои не се примени и се ставени на листа на чекање, ќе бидат примени во наредниот период доколку се ослободи место во воспитната група и објект за кој нивните родители имаат поднесено пријава.

Комисијата за прием на деца оваа Одлука ја донесе согласно Правилникот за изменување на правилникот за стандардите и нормативите за вршење на дејноста на установите за деца.

Благодариме на Вашето разбирање и соработка.